“Ваҡиғаларҙы берләштереп, биләмәләрҙе үҫтерәбеҙ”

Ошо көндәрҙә “Янғантау” шифаханаһында үткән Башҡортостан Республикаһының төньяҡ-көнсығыш төбәген үҫтереү буйынса “Ваҡиғаларҙы берләштереп, биләмәләрҙе үҫтерәбеҙ” I Төбәк-ара форум республика кимәлендә лә оло әһәмиәтикә эйә булды. Ауыл хужалығын, урман һәм ағас эшкәртеү сәнәғәтен, туризмды үҫтереү һәм был йүнәлештә күрше өлкәләр менән хеҙмәттәшлек итеү, инвестиция проекттарын тормошҡа ашырыу юлдары буйынса мәсьәләр тураһында фекер алышырға һәм килешеүҙәр төҙөргә Республика хөкүмәтенән, Силәбе, Свердловск өлкәләренән, Пермь крайынан рәсми делегациялар, эшҡыуарҙар, эксперттар һәм шулай уҡ Рәсәйҙән, Герм ниянан, Франциянан вәкилдәр килгәйне.