Аныҡ маҡсаттар билдәләнде

2018 йылда Дыуан районының Йәштәр үҙәге һәм “Бергә” ирек- мәндәр хәрәкәте тарафынан төрлө өлкәләрҙә волонтерҙар эшмәкәрлегенең абруйын күтәреү, был хәрәкәтте тағы ла популярлаштырыу эштәрен алып барыу планлаштырыла. Халыҡ иғтибарын йәмәғәт проблемаларына йәлеп итеүгә, әүҙем гражданлыҡ позицияһын булдырыуға йүнәлтелгән төрлө саралар ойоштороласаҡ. Ошо көндәрҙә район хакимиәте бинаһында уҙған ирекмәндәр ултырышында йыл дауамында башҡарыласаҡ эшмәкәрлеккә маҡсаттар ҡуйылды, уларға өлгәшеү юлдары билдәләнде.