Епшек ҡар һәм боҙлауыҡ көтөлә

Башҡортостанда ял көндәренә йылыта. Ошо хаҡта Башгидрометүҙәк синоптиктары хәбәр итә. Температураның берсә төшөп, бер күтәрелеүе республика юлдарында боҙлауыҡтың барлыҡҡа килеүенә килтерә.

Атап әйткәндә, шәмбе, 3 ноябрҙә, уҡ епшек ҡар яуыуы һәм уның сымдарға йәбешеүе көтөлә. «Төндә һәм иртән ҡайһы бер юл участкаларына ҡар ята. Ел көнбайыштан. Һауа температураһы төндә -2, +3, көндөҙ 0, +5 градус», — тип асыҡлыҡ индерҙе идаралыҡ белгестәре.

Өфөлә алдағы ял көндәре бер аҙ яуым-төшөм менән йылы була. Термометр күрһәткесе көндөҙ +5 градус билдәһенә тиклем күтәрелә.