+30 °С
Облачно
Общие статьи
10 Декабря 2018, 13:07
Иң матур Яңы йыл ҡаласығы
Башҡортостанда иң матур яңы йыл ҡаласығын билдәләйҙәр. Йәмәғәт биләмәләрен төҙөкләндереү конкурсын Башҡортостандың Торлаҡ-коммуналь хужалыҡ, Мәҙәниәт министрлыҡтары, Матбуғат һәм киң мәғлүмәт саралары агентлығы ойоштора.
Еңеүселәр ҡалалар һәм райондар араһында айырым билдәләнә. Беренсе урын өсөн 500 мең һум, икенсе урынға - 200, өсөнсө урын алыусыға 150 мең һумлыҡ премиялар ҡаралған. Комиссия яңы йыл ҡаласығы биҙәлешен, яҡтылыҡ элементтарын, иллюминацияны файҙаланыуҙы, шыршыны, скульптура композицияларын, боҙҙан йәки ҡарҙан яһалған һындарҙы, әкиәт персонаждарын, боҙ тауҙарын баһалай. Конкурс һөҙөмтәләре 19 ғинуарҙа билдәле була.
Ғаризалар novogodniigorodok@yandex.ru электрон адресына ҡабул ителә. Конкурс тураһында положение Башҡортостандың Торлаҡ-коммуналь хужалыҡ министрлығы сайтында баҫылған.
