Янғындан һаҡ булығыҙ!

Бөгөн Республика хөкүмәтендә үткән оператив кәңәшмәлә яңы йыл каникулдарында янғын сығыу осраҡтары һәм уны иҫкәреү һөҙөмтәләре тураһында билдәле булды.

Ғәҙәттән тыш хәлдәр буйынса БР дәүләт комитеты рәйесе Фәрит Ғүмәров белдереүенсә, яңы йыл байрамдары көндәрендә бөтәһе 223 янғын осрағы теркәлгән. Үкенескә күрә, 16 кеше һәләк булған, 13-ө йәрәхәтләнгән. Улар араһында балалар юҡ. Иң күп янғын ҡорбандары Баймаҡ (4), Иглин (3) райондарында, Өфө (3) ҡалаһында.