Киҙеүҙең тәүге осраҡтары теркәлде

Роспотребнадзор Башҡортостан биләмәһендә гриптың тәүге осраҡтары тураһында хәбәр итә.

Шулай уҡ республикала вирус инфекциялары менән сирләүселәрҙең артыуы күҙәтелә. Өлкәндәр араһында эпидемик сик 10% күтәрелде, ләкин хәл контролдә тотола, тине ведомствоның эпидемиологик күҙәтеү бүлеге етәксеһе вазифаһын башҡарыусы Зөһрә Шаһиева.

Уның һүҙҙәренсә, 12900 самаһы кеше киҫкен респиратор вирус инфекцияһы менән сирләй, уларҙың 60% яҡыны – балалар. Был һандар декабргә ҡарағанда күпкә түбәнерәк. Яңы йыл алдынан республикала 18 меңләгән кешегә ошондай диагноз ҡуйылды.

Миҙгел алдынан киң күләмле вакцинация үткәреү һөҙөмтәһендә Башҡортостанда ауырыу кимәле түбән. Халыҡтың 45%, был иһә 1,8 миллион кеше, вирусҡа ҡаршы вакцина һалынды. Уҙған йылда республикала 1,6 миллион кешегә прививка яһалды.

Ғәҙәттәгесә, сирләүселәрҙең артыуы февралгә тура килә. Табиптар үҙаллы дауаланырға кәңәш итмәй. Ауырыуҙың билдәләләре күренеү һәм температура күтәрелеү менән табипҡа мөрәжәғәт итергә кәрәк. Был балаларға ла, өлкәндәргә лә ҡағыла. Бынан тыш, витаминдар һәм махсус препараттар эсергә мөмкин.