ФАП-тар һаны артасаҡ

Башҡортостандың Һаулыҡ һаҡлау министрлығы быйыл 27 мобиль медицина комплексын һатып алырға ниәтләй. Былтыр төпкөл ауылдарҙағы халыҡты хеҙмәтләндереү өсөн 13 комплекс алынған. Бер күсмә пункттың хаҡы – 8,5 миллион һум самаһы.

Әле республикала 2064 фельдшер-акушерлыҡ пункты иҫәпләнә — ил буйынса алғанда, ике тапҡырға күберәк. Белгестәр булмау сәбәпле, 125 фельдшер-акушерлыҡ пункты эшләмәй, 152-һендә шәфҡәт туташтары ғына эшләй. 72 пункт авария хәлендә. Фельдшер-акушерлыҡ пункттарының 80% ҡуртымға алынған бинала урынлашҡан.