Мәктәптәрҙә - карантин

13 февралгә ҡарата Башҡортостанда 33 мәктәп карантинға ябылған,

Республиканың мәғариф министры вазифаһын башҡарыусы Айбулат Хажин һүҙҙәренсә, грипп һәм ОРВИ менән сирләүселәрҙең күп булыуына бәйле республиканың айырым белем биреү учреждениеларында 60-тан ашыу класта дәрестәр туҡтатылған. Класта йәки мәктәптә ауырыусылар һаны 20% етһә, карантин индерелә.

Әлеге ваҡытта республикала киҫкен респиратор вирус инфекцияһы һәм киҙеү буйынса а эпидемик сир 46 процентҡа артҡан. Уҙған аҙнала (4 февралдән 10-ына тиклем) 33 меңдән ашыу кешегә ОРВИ диагнозы ҡуйылған, уларың 21 меңдән күберәге — балалар.