Малайҙар сәкән һуҡты

23 февралдә Үрге Ҡыйғы ауылында БР Дәүләт Йыйылышы – Ҡоролтай депутаты Рифат Ғарипов кубогына хоккей турниры уҙҙы. Сарала Дыуан, Салауат, Ҡыйғы, Ҡариҙел райондарының балалар хоккей командалары көс һынашты.

Көсөргәнешле уйын һөҙөмтәһендә Дыуан районы хоккейсылары – беренсе, ҡариҙелдәр – икенсе, ҡыйғылар өсөнсө урын яуланы. Ярышта ҡатнашыусыларҙың барыһына ла яңы сәкәндәр бүләк ителде.