Иң шәптәр билдәләнде

30 мартта Оло Ыҡтамаҡ ауылында милли көрәш һәм гер күтәреү буйынса фестиваль үтте. Район хакимиәте башлығы Әнис Әсәҙуллин батырҙарҙысәләмләп яҡшы һөҙөмтәләр теләне.

Милли көрәш буйынса төрлө ауырлыҡ категорияларында Яуыш ауылынан Илшат Шаһиев һәм Солтан Әхмәтғалин, Ҡотоштан Илназ Абдуллин һәм Вилдан Хафизов, Яңы Мишәрҙән Ранис Сафинуров, Оло Ыҡтамаҡтан Вадим Мостафин, Дыуан күп профилле колледжының Оло Ыҡтамаҡ филиалынан Айвар Әғлетдинов еңеү яуланы.

Гер күтәреү буйынса 70 килограмғаса һәм унан юғарыраҡ ауырлыҡ категорияларында Оло Ыҡтамаҡтан Вадим Йомаҙилов менән Яуыштан Алмаз Хәлиловҡа етеүсе булманы. Еңеүселәр һәм призерҙар район хакимиәтенең йәштәр сәйәсәте һәм спорт бүлеге тарафынан грамоталар һәм миҙалдар менән бүләкләнде.

Мәсетле районы.