Спорт һөйөүсе ғаиләләр

30 мартта Малаяҙ ауылының Балалар һәм үҫмерҙәр спорт мәктәбендә ғаилә командалары араһында волейбол буйынса тәүге район турниры үтте. Сарала Арҡауыл, Малаяҙ, Янғантау, Мөрсәлим, Торналы, Тирмән һәм Гусевка ауылдарынан 11 ғаилә ҡатнашты.

Көсөргәнешле алыш һөҙөмтәһендә Торналы ауылынан Обозновтар ғаиләһе беренсе урын яуланы. Икенсе һәм өсөнсө урындарҙы Гусевканан Гусевтар һәм Мөрсәлимдән Сәмиғуллиндар бүлеште.

Сараны район хакимиәтенең физик культура һәм спорт комитеты, Балалар һәм үҫмерҙәр спорт мәктәбендә ойошторҙо, үткәреү идеяһын Кәрим Мөхәмәтдинов күтәреп сыҡты.

Салауат районы