Сирлеләр һаны артҡан

Республикала йыл башынан ВИЧ-инфекциялы 788 кеше асыҡланған, 500-ө – ирҙәр, 288-е – ҡатын-ҡыҙҙар.

Яңы асыҡланған сирлеләрҙең 60-ы Башҡортстандағы медицина учреждениеларында дауалана. ВИЧ-инфекциялы йөклө ҡатын-ҡыҙҙар һаны 124-кә еткән, уларҙың 92-һе балаһын тапҡан.

Үткән йылдағы менән сағыштырғанда, инфекция менән ауырыусылар һаны 10 процентка үҫкән. Белгестәр хәлдең ҡатмарлашыуын сирлеләрҙең дауаланыуҙы һуң башлауында һәм даими тикшеренеп тормауында күрә.