Владимир Путин ҡул ҡуйҙы: аэропорттар яңы исем йөрөтәсәк

Владимир Путин илдең ҡырҡтан ашыу аэропортына исем биреү тураһындағы указға ҡул ҡуйҙы.

Домодедово хәҙер – ғалим Михаил Ломоносов, Внуково – авиаконструктор Андрей Туполев, Шереметьево шағир Александр Пушкин исемен йөрөтә. Шулай уҡ, мәҫәлән, Минераль Һыуҙарҙағы аэропортҡа – Михаил Лермонтов, Симферополдәгенә – рәссам Айвазовский, Воронеждағына – Петр Беренсе исеме бирелде.

Өфө аэропорты иһә Башҡортостандың халыҡ шағиры Мостай Кәрим исемен йөрөтә башланы.