Эйлестан
+13 °С
Болотло
Бөтә яңылыҡтар
Общие статьи
2 Июль 2019, 07:55

Һәр ғаиләгә компенсация түләнәсәк

Хәҙер сабыйы балалар баҡсаһына йөрөгән һәр ғаилә, килем кимәленә ҡарамай, даими рәүештә компенсация алырға хоҡуҡлы.

Хәҙер сабыйы балалар баҡсаһына йөрөгән һәр ғаилә, килем кимәленә ҡарамай, даими рәүештә компенсация алырға хоҡуҡлы. Элегерәк бындай хоҡуҡ аҙ тәьмин ителгән ғаиләләрҙә генә бар ине.
Был законды Башҡортостан Дәүләт Йыйылышы – Ҡоролтай депутаттары ҡабул итте.
– Беҙҙеңсә, бындай компенсацияны барыһы ла алырға тейеш, – тине Константин Толкачев. – Был сара сабыйҙарға балалар баҡсаһына мөмкин булғанса күберәк йөрөү мөмкинлеге бирәсәк, шулай уҡ демография хәленә лә ыңғай йоғонто яһар тип уйлайбыҙ. Күп балалы ғаиләләр, айырыуса ауылда йәшәгәндәр өсөн был ярҙам ярайһы ғына тойолор.
Шулай итеп, был компенсацияны хәҙер бөтәһе лә ала. Юҡһа күпселек ата-әсәләр йыл һайын уйлана ине: компенсация киләһе йылда ла дауам итерме?
– Яңы закон кешеләргә иртәгәһе көнгә ышаныс бирә. Хәҙер улар белә: был ярҙам даими күрһәтеләсәк, – тине спикер.
Ҡабул ителгән закон компенсация күләменә ҡағылмай. Ул элекке кеүек үк ғаиләләге балалар һанына бәйле. Беренсе бала өсөн – 20, икенсеһенә – 50, өсөнсө һәм артабанғылары өсөн – 70 проценттан кәм түгел.
Әле яңы закон республика етәксеһенә ҡул ҡуйыуға йүнәлтелгән. Рәсми баҫылып сыҡҡандан һуң, ул 2020 йылдың ғинуарынан көсөнә инәсәк. Ағымдағы йылда ла республика депутаттары ҡабул иткән законға ярашлы (2019 йыл өсөн) компенсацияны, килемгә ҡарамай, бөтә ғаиләләр ҙа ала ине.
Читайте нас: