Әй буйында – мөгөҙморон һөйәктәре

Биологтар Әй йылғаһы буйлап кәмәлә аҡҡан саҡта "Янғантау" геопаркы биләмәһендә боронғо йөнтәҫ мөгөҙморондың һөйәген тапҡан. Был турала биология фәндәре кандидаты Полина Полежанкина үҙенең социаль селтәрҙәге сәхифәһендә хәбәр итә.

Улар 28-нән 30 июнгә тиклем Лаҡлынан Йыланыш ауылына ҡәҙәр һыу буйлап аҡҡан. Төп табыш Лағыр янында осраған. Барлығы ун боронғо хайуан һөйәген табыуға өлгәшкәндәр.

Билдәле булыуынса, йөнтәҫ мөгөҙморон бынан 8-14 мең йыл элек юҡҡа сыҡҡан. Бының төп сәбәптәре тип климаттағы һәм флоралағы үҙгәрештәр һанала.