Һикеяҙҙа Яңы ФАП асылды

“Һаулыҡ һаҡлау” милли проекты сиктәрендә 11 июлдә Дыуан районының Һикеяҙ ауылында яңы модулле фельдшер-акушерлыҡ пункты асылды.

Медицина учреждениеһының майҙаны – 65 квадрат метр, унда пациенттар һәм персонал өсөн уңайлы шарттар булдырылған. Пункт тейешле медицина ҡорамалдары менән тулыһынса тәьмин ителгән: электрокардиограф, пульсоксиметр, дефибриллятор, глюкометр, стерилизатор, тонометр, гинекология креслоһы, дарыу препараттары өсөн һыуытҡыс һәм башҡа техника бар.

Һикеяҙ фельдшер-акушерлыҡ пунктында беренсе медик-санитар ярҙамды 900-ҙән ашыу кеше аласаҡ, шул иҫәптән 230 бала.