Ҡатынды машина тапатҡан

17 августа төнөн Салауат районында, Кропачево – Мәсәғүт – Әсет юлының 17-се километрында, Салауат ҡалаһынан 31 йәшлек водитель "Hyundai Santa Fe" автомобилендә 46 йәшлек ҡатынды тапатҡан.

Ырымбур өлкәһенән килгән ханым юл ситендә торған, тип күҙаллана. Унан һуң бахыр ҡатынды юл ыңғайы китеп барған "Freightliner" йөк машинаһы икенсегә тапаған. Рулдә 42 йәшлек Дәүләкән ҡалаһы кешеһе булған. Ҡатын урында уҡ йән биргән. Әле тикшереү эше бара.