Иң яҡшы сыр – Мәсетлелә

24 августа Өфө ҡалаһында уҙған “Һөт иле-2019” фестивалендә Мәсетле районынан “Урарту” СПоК-ы (рәйесе Гагик Аветян) ҡатнашып “Чечил” сыры өсөн “Һыйыр һөтөнән иң яҡшы сыр” номинацияһында еңеү яуланы.

Быйыл фестивалдә таратылған берәр стакан һөт һаны буйынса абсолют рекорд ҡуйылған. Йыйылған халыҡ “РОСМОЛ” компанияһы тәҡдим иткән 60 мең стакан йәки 12 мең тонна һөт эскән. Йәрминкәлә ҡунаҡтар 47 тонна — һөт ризыҡтары, 5 тонна — аҡ май, 3,6 тонна — сыр, 2,3 тонна — туңдырма, 4,1 тонна — ҡымыҙ, 18 мең тонна ҡуйыртылған һөт һатып алған. Һөт йәрминкәһенән алынған дөйөм табыш 7,5 миллион һум тәшкил итә.