Владимир Путин “Газпром” рәйесе менән осрашты

Рәсәй Президенты Владимир Путин “Газпром” асыҡ акционерҙар йәмғиәте идараһы рәйесе Алексей Миллер менән эшлекле осрашыу үткәрҙе.

Энергетика компанияһы башлығы Президентҡа ғәмәлдәге эш, көҙгө-ҡышҡы миҙгелгә әҙерлек барышы, “Себер ҡеүәте” тип аталған иң ҙур проекттарҙың береһен тормошҡа ашырыу мөмкинлектәре тураһында һөйләне. Рәсәй газын Украинала һәм Европала ҡулланыусылар менән “Газпром”дың үҙ-ара эш итеү мәсьәләләре айырым тикшерелде.