Рәсәй Хөкүмәте вице-премьеры Татьяна Голикова белдереүенсә, Әсәлек капиталы йыл һайын арттырыласаҡ һәм 2021 йылға уның суммаһы 489 мең һумға етәсәк.
Ә 2020 йылда ул 3,8 процентҡа индексацияланып, түләү күләме 466,6 мең һум тәшкил итәсәк.
“Пенсия фонды бюджетында Әсәлек капиталы программаһын дөйөм финанслау, шул иҫәптән 2020 йылдың 1 ғинуарынан индексация үткәреү өсөн 325 миллиард һумға яҡын аҡса ҡаралған”, – тип хәбәр итте вице-премьер.
Голикованың һүҙҙәренсә, бирелә торған сертификаттарҙың күләме лә, өлөшләтә сарыф ителгәндәре буйынса ҡалған аҡса ла индексацияланасаҡ.