Һәләтле йәштәргә – грант

Башҡортостан Республикаһы Мәҙәниәт министрлығы музыка, театр, һынлы сәнғәт һәм хореография сәнғәте өлкәһендә һәләтле йәштәргә ярҙам күрһәтеү өсөн республика Башлығы грантына конкурс үткәреү тураһында иғлан итте.

Грант дәүләт бюджет белем биреү учреждениеһына субсидиялар формаһында тапшырыла. Ғаризалар 28 октябрҙән 1 ноябргә тиклем БР Мәҙәниәт министрлығының профессиональ сәнғәт, мәғариф һәм ижади проекттар бүлегендә ҡабул ителә. Тулыраҡ мәғлүмәт өсөн телефон: 8 (347) 280-87-64.

Грант “Мәҙәниәт” милли проектының “Ижад кешеләре” проектын тормошҡа ашырыу маҡсатында булдырылған.