Яҡташыбыҙҙы ҡотлайбыҙ!

Ҡазанда үткән "Рәсәй халыҡтары милли байрамдары" фотоконкурсында Балаҡатай районы егете Өфө фотографы Эдуард Дилмөхәмәтов инде икенсе йыл рәттән еңеү яуланы.

Быйыл уның ҡойма ямғыр аҫтында “Милли кейем парады”нда ҡатнашыусылар төшөрөлгән фотоһы "Иң яҡшы һүрәт" номинацияһында еңеүсе тип табылған. Былтыр иһә ул "Портрет" номинацияһында Азамат Юлдашбаевтың Салауат мәмерйәһе алдында уйланып ултырған фотоһы менән уңышҡа өлгәшкәйне. Яҡташыбыҙҙы ҡотлайбыҙ! Артабан да ижад уңыштар теләйбеҙ.