Тағы бер 100 йыллыҡ билдәләнәсәк, "янында" 85 йыллығы ла бар

Башҡортостан Башлығы Радий Хәбиров ике ҙур иҫтәлекле датаны билдәләү тураһында указға ҡул ҡуйҙы.

Быйыл Зәйнәб Биишева исемендәге "Китап" нәшриәте - 100, БР Яҙыусылар союзы 85 йыллығын билдәләй. Документ тап ошо юбилейҙарға әҙерлек һәм уларҙы үткәреү хаҡында.

Ойоштороу комитетын Республика Хөкүмәтенең вице-премьеры Фәнүр Йәғәфәров етәкләй. Тиҙҙән саралар планы әҙер буласаҡ.

Район һәм ҡалалар хакимиәттәренә лә мәҙәниәт һәм мәғариф учреждениеларында яҙыусылар менән осрашыуҙар ойоштороу тәҡдим ителгән.