Владимир Путин йөрөгән машиналарҙы ныҡлыҡҡа тикшерәләр

Aurus маркалы парад кабриолеттары дәүләт һынауын үтә. Атап әйткәндә, автомобилдәрҙең техник торошо тикшерелә.

Aurus элиталы һәм юғары класлы автомобилдәргә ҡарай. Улар иҫәбенә, седандан тыш, “Сенат-лимузин”, “Арсенал” минивэны, шулай уҡ әлегә атамаһыҙ кабриолет инә. Киләсәктә бындай автомобилдәр төркөмө мотоцикл һәм кроссовер менән тулыланасаҡ. Әйткәндәй, бындай машиналарҙың береһендә Рәсәй Президенты Владимир Путин йөрөй. Быйыл 9 майҙа Мәскәүҙең Ҡыҙыл майҙанындағы парадта ошондай маркалы кабриолеттар ҡатнашты.