Көтөп алған Яңы йыл байрамы яҡынлаша. Халыҡ был көндәрҙә оҙаҡ ял итергә ғәҙәтләнеп тә алды. Берәүҙәргә атай-әсәйҙәренә барырға форсат тыуһа, икенселәр буш ваҡытын ғаиләһе менән үткәрә. Әммә Рәсәй Дәүләт Думаһы депутаттары был ялдарҙы ҡыҫҡартыу тәҡдиме менән сыҡҡан.
Яңы йыл ялдары 31 декабрҙән 3 ғинуарға тиклем булһа ла еткән тип иҫәпләй улар. Ә күберәк ял итәһе килгәндәргә ҡалған көндәрҙе сираттағы ял иҫәбенә алырға кәңәш итәләр.
- Теләге булғандар Яңы йыл каникулын отпуск иҫәбенә оҙонайта ала. Әгәр ҙә ял кешегә күп кеүек тойолһа, ул рәхәтләнеп эшкә сыға ала, - тип аңлатҡан Дәүләт Думаһы депутаттары.
Был әлегә бары тәҡдим генә. 2020 йылда 1 ғинуарҙан 8-енә тиклем ял итәсәкбеҙ.