УРМАНҒА ИНҺӘҢ, ШЫРШЫ КИҪМӘ!

Башҡортостанда “Шыршы” операцияһы уҙа. Уны Урман хужалығы министрлығы полиция менән берлектә ойоштора. Оператив-иҫкәртеү саралары 31 декабргә тиклем дауам итә.

Сара ылыҫлы йәш ағастарҙы законһыҙ ҡырҡыуҙан һаҡлау, Яңы йыл шыршыларын әҙерләү, ташыу һәм һатыуҙы оператив контролдә тотоу өсөн уҙғарыла.
Ылыҫлы ағастарҙы рөхсәтһеҙ ҡырҡҡандар яуапҡа тарттырыла. Административ яуаплылыҡҡа тарттырылған граждандарға – 3–5 мең, вазифалы кешеләргә —20 – 40 мең, юридик шәхестәргә 200–300 мең һум штраф һалына.