Башҡортостан спортты үҫтереү буйынса Рәсәйҙең иң яҡшы төбәге тип танылды

Мәскәүҙә бүләкләү тантанаһында республика башлығы Радий Хәбиров юғары награда алды. Башҡортостан халыҡтың тауыш биреү йомғаҡтары һәм эксперт советы эше һөҙөмтәләре буйынса беренсе булды.

Бына беҙҙең Спорт министрлығынан бер нисә һан:
— республикала йәшәүселәрҙең 43% (ярты миллиондан ашыу кеше) даими рәүештә спорт менән шөғөлләнә;
— беҙҙә 11 899 спорт ҡоролмаһы эшләй (һәм уларҙың һаны арта);
— спортсыларыбыҙ 1 068 миҙал яулаған (әммә ҡайһы ваҡыт эсендә икәнен белмәйбеҙ);
— быйыл Өфөлә 53-сө Йәйге Халыҡ-ара балалар уйындары, VI Рәсәй пенсионерҙары спартакиадаһы һәм башҡа ҙур спорт саралары ойошторолдо.