Владимир Путин ЛДПР-ҙы 30 йыллығы менән ҡотланы

Президент Рәсәйҙең Либераль-Демократик партияһы (ЛДПР) лидеры Владимир Жириновский менән осрашып, партияның барлыҡҡа килеүенә 30 йыл тулыу менән тәбрикләне.

Владимир Путин был датаның ҙур ваҡиға булыуын билдәләне.

- Я Вас поздравляю и поздравляю всех членов вашей партии, всех, кто вас поддерживает, с этим событием. Это стало реальным фактором нашей политической жизни. Хочу Вас поблагодарить за всё, что Вы делаете для развития страны и в Государственной Думе, в парламенте страны, и в текущей работе, - тине Президент.

ЛДПР-ҙың патриотик позицияла тороуын да әйтеп үтте. Бәхәстәр ҙә барлығын белдерҙе.

- Һеҙҙең ысынлап та илебеҙ яҡшыраҡ йәшәүен, нығыныуын, кешеләрҙең уңайлы шарттарҙа көн итеүен теләүегеҙҙе беләм, - тип тә өҫтәне.

- Беҙҙе иң тәүгеләрҙән итеп теркәнеләр, КПСС-тан һуң. Күп партиялылыҡ иғлан ителгәйне. Был да беҙҙе дәртләндерҙе, - тип бер аҙ тарихты һөйләп алды Жириновский.

Әлеге партияны беҙ яҡшы беләбеҙ. Лидеры ҡайһы саҡта туҙға яҙмағанды һөйләп ташлай, әммә нисәмә йыл эшләйҙәр икән, РФ Дәүләт Думаһында фракция булып эшмәкәрлек алып баралар икән, тимәк, улар кәрәк.

Фото: Кремлин.ру