Бөтә яңылыҡтар
Общие статьи
22 Декабрь 2019, 13:20

Владимир Путин президентлыҡ срогына ҡарата фекерен белдерҙе

Ҙур матбуғат конференцияһында Рәсәй Президенты Владимир Путин ил Конституцияһында президентлыҡ срогы тураһындағы статьяла “рәттән” тигән һүҙ хатаһын алып ташлау мөмкинлеген билдәләне.

Ҙур матбуғат конференцияһында Рәсәй Президенты Владимир Путин ил Конституцияһында президентлыҡ срогы тураһындағы статьяла “рәттән” тигән һүҙ хатаһын алып ташлау мөмкинлеген билдәләне.
“Конституцияға килгәндә, ул тере инструмент, йәмғиәттең үҫеш кимәленә тап килергә тейеш. Минеңсә, беҙгә Төп Законды үҙгәртергә, яңыһын ҡабул итергә кәрәкмәй, сөнки унда беҙгә кәрәкле, аныҡ билдәләнгән фундаменталь нәмәләр бар. Улар беренсе бүлектә тупланған. Был нигеҙҙәр, минеңсә, тейелгеһеҙ”, – тине Президент.
Башҡа бүлектәрҙе, Владимир Путиндың фекеренсә, үҙгәртергә мөмкин. “Әле ошоға ҡағылышлы төрлө бәхәстәр бара. Тәҡдим индергән кешеләрҙең логикаһын аңлайым. Был Президенттың, Хөкүмәттең өҫтөнлөктәрен бер аҙ үҙгәртеп, парламенттың хоҡуғын киңәйтеүгә бәйле. Әммә бындай ғәмәлде яҡшы әҙерләп, йәмғиәттә төплө тикшергәндән һуң ғына башҡарырға кәрәк”, – тине дәүләт етәксеһе.
Бер үк ваҡытта Владимир Владимирович президентлыҡ срогы тураһындағы статьяла “рәттән” тигән һүҙҙе алып ташлау ихтималлығын белдерҙе. Рәсәй Конституцияһының дүртенсе бүлегендәге 81-се статьяның 3-сө пунктында бер үк кешенең Президент вазифаһын рәттән ике сроктан күберәк биләй алмауы тураһында әйтелә.
https://bash.rbsmi.ru/articles/s-y-s-t-m-kho-u/Vladimir-Putin-prezidentli-srogina-arata-fekeren-belder-e-48400/
Читайте нас в