Яңы йыл мәлендә баланы нисек “татлы ағыуланыу”ҙан һаҡларға?

“Яңы йылдың ҡыҙығы шул тәмлекәстәрҙә инде! Нисек инде кәнфитһеҙ байрам булһын?!” – тип пакет – пакет тәм-томдо балаға тоттораһығыҙмы? Һаҡ булығыҙ, бер аҙҙан аллергия йонсота күрмәһен.

Ә бына химик кәнфиттәр менән ағыуланып, балалар хатта реанимацияға эләгә икән. Бигерәк Яңы йыл осоронда бәләкәй пациенттар бермә-бер арта, ти табиптар. Химик кәнфит ул – ауыҙға алһаң шартлай, төҫөн үҙгәртә һәм башҡа. Интоксикация тән температураһын күтәрә, баланың ҡоҫҡоһо килә, ә ата-әсәләр быны вирус йәки инфекция тип уйлай. “Татлы ағыуланыу” осрағында барлыҡ химикатты организмдан тиҙ арала сығарып бөтөргә кәрәк. Быны сорбент ярҙамында башҡарырға мөмкин.

Табиптар кәңәш итеүенсә, зефир йәки ҡаҡ кеүек тәмлекәстәр һурғыс кәнфит һәм ҡара шоколадҡа ҡарағанда файҙалыраҡ.