Бөтә яңылыҡтар
Общие статьи
26 Декабрь 2019, 17:10

849 кешене фаш иткәндәр

Башҡортостан Башлығы Радий Хәбиров республикала эшләй башлағас та суррогат эсемлектәр, “фанфурик”, законһыҙ араҡы һатыусыларға ҡаршы көрәш башланы. Ошо маҡсатта уҙған аҙнала төбәктә ағыу етештергәндәр һәм һатҡандар тураһында мәғлүмәтте йыйыу буйынса “Туҡта, суррогат” акцияһы иғлан ителде.

Башҡортостан Башлығы Радий Хәбиров республикала эшләй башлағас та суррогат эсемлектәр, “фанфурик”, законһыҙ араҡы һатыусыларға ҡаршы көрәш башланы. Ошо маҡсатта уҙған аҙнала төбәктә ағыу етештергәндәр һәм һатҡандар тураһында мәғлүмәтте йыйыу буйынса “Туҡта, суррогат” акцияһы иғлан ителде.
Башҡортостандың Дәүләт сауҙа комитеты мәғлүмәттәре буйынса, ошо ҡыҫҡа ваҡытта “Туҡта, суррогат” акцияһының “ҡыҙыу бәйләнеш” телефонына рөхсәтһеҙ араҡы һатыусылар тураһында хәбәр итеп, 275 кеше шылтыратҡан, “Хәүефһеҙ мөхит” порталына 574 иҫкәртеү килгән, йәғни 849 мөрәжәғәт теркәлгән.
“Был бер тапҡыр ғына уҙғарыла торған акция булырға тейеш түгел. Беҙ эште дауам итәсәкбеҙ һәм даими рәүештә алып барасаҡбыҙ”, – ти “Берҙәм Рәсәй” партияһының төбәк башҡарма комитеты етәксеһе Рөстәм Әхмәҙинуров.
Башҡортостандың Дәүләт сауҙа комитеты рәйесе Алексей Гусев Яңы йыл байрамы ваҡытында спиртлы эсемлектәр һатыу сикләнә, шуға ла алкоголле эсемлектәрҙе һатырға рөхсәте булған эшҡыуарҙарҙың дә ҡануниәтте боҙоуы ихтимал, ти. Йәмәғәт эшмәкәрҙәре ошондай осраҡтарға ла иғтибар итәсәк.
Башҡортостандың Дәүләт Йыйылышы – Ҡоролтай депутаты Гөлнур Ҡолһарина белдереүенсә, “Берҙәм Рәсәй” партияһының “Халыҡ контроле”, “Айыҡ Башҡортостан” проекттарының һәм Йәш Гвардияның “Контроль” проекты әүҙемселәре уҙғарған оператив рейдтар ваҡытында араҡыны легаль һатҡан эшҡыуарҙар тарафынан ҡануниәт боҙоуҙарҙы асыҡлау буйынса ла эш алып барыласаҡ.
Иҫегеҙгә төшөрәбеҙ, “Туҡта, суррогат” акцияһы шарттары буйынса Башҡортостандың Дәүләт сауҙа комитетының “Хәүефһеҙ мөхит” порталына https://safety.openrepublic.ru/ (тәүлек әйләнәһенә) йәки +7 (347) 218-09-87 телефонына шылтыратып (эш көндәрендә сәғәт иртәнге 9-ҙан киске 7-гә тиклем) хәбәр итергә мөмкин. Суррогат араҡы етештергән кешеләр тураһындағы мәғлүмәткә – 50 мең һум, рөхсәтһеҙ һәм өйҙәренән спиртлы эсемлектәр һатҡандар тураһында хәбәр иткәндәргә ике мең һум түләнә.
Читайте нас в