Фейерверктан зыян күргән...

Стәрлетамаҡ ҡалаһында күп ҡатлы йорт ихатаһында фейерверк ебәргәндә бер үҫмер зыян күргән. Был ваҡиға хаҡында Хөкүмәттәге оператив кәңәшмәлә Ғәҙәттән тыш хәлдәр буйынса дәүләт комитетының төбәк рәйесе Фәрит Ғүмәров белдерҙе.

17 йәшлек үҫмер пиротехник изделиены ҡулланғанда битен һәм ҡулдарын яндырған. Бәләгә тарыған үҫмерҙе ҡала дауаханаһының бешеү бүлексәһенә илткәндәр. Ведомство етәксеһе республика халҡын пиротехника изделиеларын ҡулланыу ҡағиҙәләрен теүәл үтәргә саҡыра. Уларҙы балалар йәки эскән кешеләр ҡулына тапшырыуҙың бәләгә тарытыуы ихтимал, тип иҫәпләй ул. Байрам көндәрендә хәүефһеҙлекте һаҡлау буйынса иҫкәртеү саралары көсәйтеләсәк.